भुवन केसी र साम्राज्ञी शाहबीच याे स्तरसम्म आरोप-प्रत्यारोप

नेपाली चलचित्र जगतका पुराना पुस्ताका सुपरस्टार भुवन केसी र नयाँ पुस्ताकी अभिनेत्री साम्राज्ञी राज्यलक्ष्मी शाहबीच अहिले सामाजिक सञ्जालमा दोहोरी परिरहेको छ।

तीन दिनअघि अभिनेत्री शाहले इन्स्टाग्राममा भिडियो सार्वजनिक गर्दै ठूला ब्यानरका व्यक्तिले आफूलाई दुर्व्यवहार गरेको आरोप लगाइन्। त्यसपछि अभिनेता तथा निर्माता केसीले सामजिक सञ्‍जालबाट प्रतिवाद गरे। त्यसपछि साम्राज्ञीले उनको नामै तोकेर जापानमा एक अवार्ड कार्यक्रमका क्रममा दुर्व्यवहार गरेको भन्दै अर्को भिडियो जारी गरिन्।

त्यस भिडियोमा साम्राज्ञीले आफूलाई सुटिङ स्थलमै अश्लील गालीसमेत गरेको भनेर लामै पीडा पोखेकी छन्।यसपछि फेरि अभिनेता भुवन केसीले फेसबुकबाट साम्राज्ञीप्रति कटाक्ष गरेका छन्।

साम्राज्ञीको नाम नलिईकन अभिनेता केसीले आइतबार राति फेसबुकमा लेखेका छन्, ‘खान नपाएको भन्दै सामाजिक सञ्जालमा रोईकराई गर्ने हिरोइन अहिले कुन फिल्मको नाम बेचेर खाइरहेकी छिन्? जुन थालमा खाने त्यही थालमा दुलो पार्ने! सामाजिक सञ्जालमा गर्ने बराबर अभिनय फिल्ममा पनि गरे हुने नि!!’

 

भुवन केसीकाे याे स्टाटसप्रति विभिन्न कमेन्ट आइरहेका छन्। यसैबीच अभिनेत्री साम्राज्ञी शाहले फेरि भुवनको टिप्पणीकाे कडा प्रतिवाद गर्दै इन्स्टाग्रामै फेरि अर्को भिडियो सार्वजनिक गरेकी छन्। (जुन अन्तिममा राखिएको छ।)

उनले भिडियोमा आफूलाई सुटिङका बेला त्यो व्यक्तिले मुखमै आएर कुरा गर्ने गरेको तर आफूलाई मन नपरेको बताएकी छन्। उनले भनेकी छन्, ‘एक जनाले के भन्नुभएको छ भने जुन थालमा खायो त्यही थालमा दुलो पार्‍यो। उहाँले मलाई राम्रो व्यवहार गर्नुहुन्थ्यो भने त्यो ठाउँ आउँथेन। यो अवस्था आएको नै उहाँले गर्दा हो।’

‘त्यो स्ट्याटस लेख्ने व्यक्तिले जापानमा अवार्ड कार्यक्रम हुँदा नै बाबा हेर तँ त मेरो प्रोडक्ट हो। त्यो पुरानो कुरा कोट्याएर के फाइदा। यस्तो कुराहरू नगर भनेर मलाई सम्झाउनु भयो,’ उनले भिडियाेमा अत्यन्त भाुवक मुद्रामा भनेकी छन्, ‘भित्र मलाई घिन लागिरहेको थियो। त्यो कुरा गर्दा पनि टाँस्सिएर, फेरि त्यही व्यवहार। त्यही परभर्ट व्यवहार। गालामै मुख ल्याएर बोलिरहेको थियो। उहाँलाई अंकल भनेको पन पर्दैन। हस दाइ भन्दै धकेलिदिएँ। म जे बोल्दै छु यो सबै सत्य हो।

भारत-चीन झडपः सहमतिका लागि आज लद्दाखमै हुँदै तेस्रो बैठक

भारत–चीन सीमामा जारी तनाव समाधानबारे आज (मंगलबार) दुई देशबीच कमान्डरस्तरको तेस्रो बैठक हुँदै छ।
यसअघि जुन ६ मा पहिलो र जुन २२ मा दोस्रो बैठक भएका थिए।

समाचार एजेन्सी एएनआईका अनुसार आज हुने तेस्रो बैठक लद्दाखको चुसुलमा बिहान साढे १० बजे सुरु हुनेछ। बैठक भारतीय भूमितर्फ हुने बताइएको छ। यसअघिका दुई बैठक चीनतर्फको भागमा भएको समाचारमा उल्लेख छ।

आजको बैठकमा दुई पक्षबीच सीमामा भइरहेको तनाव कम गर्ने विषयमा छलफल हुनेछ। यसका लागि आज महत्वपूर्ण सहमति हुने बीबीसी हिन्दीले जनाएको छ।

यही जुन १५ राति दुई देशको सीमा पूर्वी लद्दाखको गलवान उपत्यकामा भारत–चीनका सेनाबीच हिंसात्मक झडप भएको थियो। त्यस क्रममा २० भारतीय सैनिक मारिएको थियो। तर चीनतर्फ के कति क्षति भयो भएन अहिलेसम्म औपचारिक पुष्टि हुन सकेको छैन।

म्यानचेष्टर सिटी र चेल्सी अन्तिम चारमा

म्यानचेष्टर सिटी र चेल्सीले अन्तिम ४ मा स्थान बनाएसँगै एफए कपको सेमिफाइनल समिकरण पुरा भएको छ।

गएराति भएको अन्तिम क्वार्टरफइनलमा न्यु क्यासल युनाइटेडलाई २-० ले हराउँदै सिटीले सेमिफाइनलमा स्थान बनाएको हो।

सिटीको जितमा केभिन डि ब्रुयने र रहिम स्टर्लिङले गोल गरे। पहिलो हाफको ३७ औं मिनेटमा बु्रयनेले पेनाल्टीमा गोल गर्दै सिटीलाइ अग्रता दिलाएका थिए। खेलको ६८ औं मिनेटमा स्टर्लिङले गोल गर्दै अग्रता दोब्बर पारे। फाइनलमा स्थान बनाउन सिटीले आर्सनलको सामना गर्नेछ।

एफए कपको अर्को सेमिफाइनमा चेल्सी र म्यानचेष्टर युनाइटेड भिड्नेछन्। गएराति नै भएको अर्को खेलमा लेष्टर सिटीलाई १-० ले हराउँदै चेल्सीले एफए कपको सेमिफाइनल स्थान बनाएको हो।

खेलको ६३ औं मिनेटमा रोस बाक्लीको निर्णायक गोलमा चेल्सीले अन्तिम  चारको यात्रा तय गरेको हो।

बिजुलीको बिल देखेर बलिउड अभिनेत्री तापसी पन्नुलाई लाग्यो झड्का

बलिउड अभिनेत्री तापसी पन्नुलाई बिजुलीको बिल देखेर झड्का लागेको छ।

पछिल्लो पटक पन्नुको घरमा खपत भएको बिजुलीको बिल अघिपछिभन्दा असामन्य रुपमा बढी आएपछि उनी मात्रै होइन धेरै जना आश्यर्चचकित भएका हुन्।

एउटा परिवारका लागि यो बिल धेरै नै आश्चर्यजनक भएको धारणा सार्वजनिक भइरहेको छ।

पन्नुको घरको बिजुलीको बिल ३५ हजार ८९० रुपैयाँ आएको थियो। अभिनेत्री पन्नुले यो बिल सामाजिक सञ्जालमा सेयर गरेपछि भारतभर एक खालको नयाँ बहस सुरु भएको छ। उनले पछिल्ला तीन बिल सामाजिक सञ्जाल राखेकी छन्। जसअनुसार उनको पहिलो बिल ३५ हजार ८९०, दोस्रो ३ हजार ८९० र तेस्रो बिल ४ हजार ३९० को रहेको छ। पछिल्ल दुई बिल लकडाउनका अघिल्ला दुई महिनाका हुन्।

तापसीले यस गलत बिलप्रति आक्रोश व्यक्त गरेकी छन्। उनले ट्विटरमा अडानी इलेक्ट्रिसिटीलाई मेन्सन गर्दै दुई प्रश्नहरू पनि सोधेकी छन्। पहिलो ट्विटमा उनले लेखेकी छन्, ‘लकडाउन भएको तीन महिना भइसक्यो, र मलाई आश्चर्य लागेको छ कि मैले गत एक महिनामा के त्यस्ता नयाँ उपकरणहरू प्रयोग गरें वा किनें कि मेरो बिजुली बिल यति बढेको छ? तपाईं कसरी हामीसँग बिजुलीको शुल्क लगाउँदै हुनुहुन्छ?

तपसीले आफ्नो ट्वीटमा अर्को अचम्म पार्ने कुरा पनि सेयर गरेकी छन्। तापसीले अर्को आफ्नो घरको बिजुलीको बिल पनि सेयर गरेकी छन्, जुन घर खाली रहँदै आएको छ। त्यो घरको बिजुलीको बिल पनि अश्वभाविक आएको छ।

उनले अर्को ट्विटमा लेखेकी छन्, ‘यो त्य अपार्टमेन्टको बिल हो, जहाँ कोही पनि बस्दैन। यहाँ हप्तामा एकपटक सफाइका लागि मात्रै यहाँ बिजुली प्रयोग हुन्छ। अदानी इलेक्ट्रिक समूह, अब मलाई चिन्ता कि हुन सक्छ कसैले यो अपार्टमेन्ट प्रयोग गरिरहेको छ, त्यो पनि हामीलाई सूचित नगरी। के थाहा हामलाई बताउनु हुन्छ कि?’

तपसीको यो ट्विटको तत्काल प्रभाव भयो र बिजुली कम्पनीले तापसीलाई जवाफ पठायो। तत्काल प्रतिक्रिया जनाएकोमा तपसीले कम्पनीले प्रशंसा गरेकी छन्।

राष्ट्रिय सभाको कार्यसूचिमा अख्तियार सम्बन्धी विधेयक पारित गर्ने प्रस्ताव

अख्तियार दुरुपयोग अनुसन्धान आयोग ऐन संशोधन विधेयकबारे चौतर्फी विरोध भइरहेका बेला सो विधेयक पारित गर्ने प्रस्ताव राष्ट्रिय सभाको सोमबारको कार्यसूचिमा राखिएको छ।

प्रमुख प्रतिपक्षी दल नेपाली कांग्रेस लगायत बिभिन्न पक्षले सो विधेयकको चर्को बिरोध गरेपछि गतसाता सुरु भएको सत्तारुढ नेकपाको स्थायी कमिटी बैठकमा समेत सो विषय गम्भीररुपमा उठाइएको थियो। त्यसपछि नेकपा अध्यक्ष पुष्पकमल दाहाल प्रचण्डले हाललाई सो विधेयक स्थगन गरिने जानकारी गराएका थिए।

नीजि क्षेत्रलाई समेत छानविन गर्ने अधिकार समेत अख्तियारलाई दिन लागेकोमा त्यसको चर्काे विरोध भएको छ।

तर, त्यससम्बन्धी कुनै जानकारी संसदमा नआएका कारण सो विधेयक पारित गर्ने प्रस्ताव राष्ट्रिय सभाले अघि बढाएको संसदका एक उच्चअधिकारीले नेपालखबरलाई बताए।

‘अख्तियार सम्बन्धी विधेयक रोक्न दलबाट राष्ट्रियसभामा केही औपचारिक जानकारी आएको छैन,’ संसद सचिवालयका एक वरिष्ठ अधिकारीले भने, ‘यदि रोक्ने नै हो भने त सम्बन्धित पार्टीको संसदीय दलमा आउनुपर्थ्याे अनि दलबाट राष्ट्रियसभामा आउँथ्यो, त्यस्तो केही नआएपछि कार्यसूचि बनेको हो।’

ती अधिकारीका अनुसार आजै बस्ने राष्ट्रियसभाको बैठकले सो विधेयक पारित गर्ने योजना छ।

सेयर बजार कहिले र कसरी खोल्ने भन्नेबारे आइतबार निर्णय हुने

नेपाल धितोपत्र बोर्डले आइतबार (भोलि) सेयर बजार कहिले र कसरी खोल्ने भन्ने निर्णय गर्ने भएको छ।

कारोना भाइरस (कोभिड–१९) संक्रमणको जोखिमका कारण बन्द रहेको सेयर बजारको विषयमा आइतबार बस्ने बोर्डको सञ्चालक समितिले निर्णय गर्ने भएको हो।

बोर्डका सहप्रवक्ता रुपेश केसीले आइतबार बस्ने बोर्ड बैठकले यसबारे थप निर्णय गर्ने बताए।

मुलुकमा लकडाउन सुरु भएपछि सेयर बजार बन्द भएको थियो। बीचमा केही समय खुलेको शेयर बजार पुनः बन्द भएपछि यसलाई कसरी खोल्ने भन्ने विषय अध्ययन समिति गठन गरिएको थियो।

उक्त समितिले सेयर बजार कहिले खोल्ने, कसरी खोल्ने, समय कसरी मिलाउने भन्ने बारेमा प्रतिवेदन तयार गरको केसीले बताए। उक्त अध्ययन प्रतिवेदनको विषयमा आइतबारको बोर्ड बैठकमा छलफल हुँदैछ।

‘आइतबारको बैठकले सेयर बजारलाई कहिले र कसरी खोल्ने भन्ने बारेमा केही निर्णय गर्न सक्छ,’ केसीले नेपालखबरसँग भने।

नेपालकी नीतु कोइराला ‘मिसेज इन्डिया-२०२०’ मा निर्णायक

नेपाली अभिनेत्री नीतु कोइराला भारतमा सञ्चालन भइरहेको ‘मिसेज इन्डिया–२०२०’ को निर्णायक भएकी छन्।

मोडल, डान्सर तथा सौन्दर्य व्यवसायीसमेत रहेकी कोइरालाले पिस अफ इन्डियाले आयोजना गरेको प्रतियोगितामा निर्णायक मण्डलमा रहने अन्तर्राष्ट्रिय अवसर प्राप्त गरेकी हुन्।

कोरोना महामारीका कारण अनलाइनबाट सञ्चालित प्रतियोगितामा उनी जुरीका रूपमा निर्णायक मण्डलमा सहभागी भएकी हुन्। कोइराला आयोजक संस्थामा नेपालका तर्फबाट ब्रान्ड एम्बेसडरका रूपमा कार्यरत छिन्।

अभिनेत्री कोइरालाले पिन्क रोजेज इन्टरटेनमेन्टद्वारा सञ्चालित मिस्टर, मिस एन्ड मिसेज इन्डियामा पनि गेस्ट अफ अनरको भूमिका निर्वाह गरिसकेकी छन्।

यस्तै हालै भारतका विभिन्न संस्थाले संयुक्त रूपमा आयोजना गरेको ‘कोरोना वारिअर्स अवार्ड’बाट पनि कोइरालाले सम्मान पाएकी थिइन्।

ला लिगामा अग्रता जोगाउन नसक्दा बार्सिलोना सेल्टा भिगासँग बराबरीमै रोकियो

स्पेनिस ला लिगाअन्तर्गत शनिबार रातिको खेलमा बार्सिलोना सेल्टा भिगासँग बराबरीमा रोकिएको छ। सेल्टा भिगोको मैदानमा भएको मैदानमा बार्सिलोनाले २ पटक अग्रता लिए पनि २–२ को बराबरीमा रोकिएको हो।

बराबरीमा रोकिए पनि बार्सिलोना अंक तालिकाको शीर्ष स्थानमा उक्लिएको छ। बार्सिलोनाले ३२ खेलबाट ६९ अंक जोडेको छ। एक खेल कम खेलेको रियल म्याड्रिड ६८ अंकमा दोस्रो स्थानमा छ। ३२ खेलबाट ३४ अंक बनाएको सेल्टा भने १६औं स्थानमा यथावत् छ।

खेलको २०औं मिनेटमा बार्सिलोनाले सुआरेजको गोलमा अग्रता बनाएको थियो। दोस्रो हाफको पाँचौं मिनेटमा फेडोर स्मोलोभले गोल गर्दै सेल्टालाई बराबरीम ल्याएका थिए।

६७औं मिनेटमा सुआरेजले व्यक्तिगत दोस्रो गोल गर्दै बार्सिलोनालाई पुनः अग्रता दिलाएका थिए। खेलको ८८औं मिनेटमा सेल्टाका इयागो आस्पासले गोल गर्दै खेल पुनः बराबरीमा ल्याएका थिए।

गएराति नै भएको खेलमा एटलेटिको मड्रिडले अलाभेसलाइ २–१ ले, एटलेटिको विल्वाओले मालोर्कालाइ ३–१ ले तथा ओसाउनाले लेगानेसलाइ २–१ ले पराजित गरे।

अमेरिकी सेना मार्न आफूले अफगान विद्रोहीलाई पैसा दिएको भन्ने आरोप झुठो होः रुस

अमेरिकी सेनाहरु मार्न रुसले अफगानस्तानका विद्रोही समूहलाई पैसाको प्रस्ताव गरेको भन्ने खबर शनिबार न्युयोर्क टाइम्स र वासिङ्टन पोस्टले प्रकाशित गरेका थिए।

रुसले अफगानिस्तानका विद्रोहीलाई पैसाको प्रस्ताव गरेर अमेरिकी सेना साथै नेटोमा आवद्ध सेनाहरु मार्न लगाएको अमेरिकी गुप्तचरहरुको निष्कर्ष रहेको न्युयोर्क टाइम्स र वासिङ्टन पोस्टमा जनाइएको थियो।

रुसले यस विषयमा प्रतिक्रिया जनाउँदै आफूमाथि लगाइएको आरोप झुठो भएको बताएको छ। अमेरिकास्थित रुसी दूतावासले आरोप निराधार र तथ्यहिन भएको बताएको हो। दूतावासले यस्ता झुठो खबरले अमेरिकामा रुसी कुटनीतिज्ञमाथि सुरक्षा खतरा बढेको जनाएको छ।

अफगानिस्तानका विद्रोही समूह तालिबानले पनि रुससँग त्यस्तो कुनै सम्झौता नभएको प्रतिक्रिया जनाएको छ।

सन् २०१९ मा अफगानिस्तानमा २० अमेरिकी सेना मारिएका थिए। अमेरिकी अधिकारीहरुले अनुसन्धानपछि एक महिना अगाडि रुस अमेरिकी सेना साथै नेटोमा आवद्ध सेनाको हत्यामा संलग्न भएको निष्कर्ष निकालेको समाचारमा जनाइएको थियो।

समाचारअनुसार अफगानिस्तानका विद्रोहीसँग रुसको साठगाँठ भएको अमेरिकी ठहर छ। रुसले पैसाको प्रस्ताव गरेको खबर अमेरिकी राष्ट्रपति डोनाल्ड ट्रम्पलाई पनि बताइएको जनाइएको थियो।

बीबीसीका अनुसार ह्वाइट हाउसले भने ट्रम्पलाई रुस र तालिबानको साठगाँठको विषयमा कुनै जानकारी नभएको प्रतिक्रिया जनाएको छ। शनिबार राति ह्वाइट हाउसकी प्रेस सचिव केली मकनानीले भनिन्,‘रुसले तालिबानलाई अमेरिकी सेना पैसा प्रस्ताव गरेको भन्ने विषय राष्ट्रपति न र उपराष्ट्रपतिलाई जानकारी गराइएको छ।’

अफगानिस्तानका विद्रोही समूह तालिबान हुन्। हाल उनीहरु शान्ति सम्झौता कार्यान्वयनको पक्षमा भएका बेला पछिल्लो खबर आएको हो।

अमेरिकासँगको सम्झौता अनुसार नै तालिबानले सरकारी सेनाहरु रिहा गरिरहेको छ भने सरकारले तालिबान लडाकु रिहा गरिरहेको छ।

तालिबान समूह र अमेरिकाबीच गत फेब्रुअरी २९ मा शान्ति सम्झौता भएको थियो। सोही शान्ति सम्झौतालाई तालिबान र त्यहाँको सरकारले यतिबेला पछ्याइरहेका हुन्।

उक्त सम्झौतामा अमेरिकाले अफगानिस्तानबाट सेना हटाउने साथै तालिवानले हिंस्रक गतिविधि रोकेर सरकारसँग वार्ता गर्ने उल्लेख गरिएको थियो।

हाल सबै पक्षले सम्झौता पालना गरिरहेको बताइएको छ। यसै समयमा रुसले पैसा प्रस्ताव गरेपछि गतवर्ष अफगानिस्तानको विद्रोही समूहले अमेरिका लगायत नेटोमा आवद्ध सेनाविरुद्ध आक्रमण गरेको खबर आएको हो।

अवैध रुपमा ल्याइएको भारतीय बिँडीसहित तीन पक्राउ

हातहतियारसहित भारतबाट अवैध रुपमा ल्याइएको एक लाख ५० हजार मूल्य बराबरको बिँडीसहित तीन जनालाई प्रहरीले पक्राउ गरेको छ।

पक्राउ पर्नेमा दशरथचन्द नगरपालिका–८ त्रिपुराका २२ वर्षीय आकाश चन्द, १९ वर्षीय दीपक भट्ट र २१ वर्षीय प्रकाश मार्कण्ड छन्।

उनीहरुलाई दशरथचन्द –८ नल्तडीस्थित महाकाली किनारबाट गए राति पक्राउ गरिएको जिल्ला प्रहरी कार्यालयले जनाएको छ। भन्सार छली महाकाली नदीमा ट्युबमार्फत अवैध रुपमा बिँडी भित्रिरहेको गोप्य सूचनाका आधारमा प्रहरी नायब उपरीक्षक नारायणप्रसाद अधिकारी नेतृत्वको टोलीले अभियुक्तलाई पक्राउ गरेको जनाइएको छ।

बरामद गरिएको सामग्री महाकाली भन्सार कार्यालय झुलाघाट बुझाइने छ।

यसअघि गत जेठ २८ गते सीमा सुरक्षाका लागि झुलाघाटमा स्थापित सशस्त्र प्रहरीको सीमा निगरानी चौकी (बीओपी) को गस्ती टोलीले दशरथचन्द–६ शेराबाट दुई पेटी बिँडी बरामद गरेको थियो। रासस

तत्काल जारी गतिबिधी

सुशान्त प्रकरण: आज हुदैँछ दीपिका पादुकोण, श्रद्धा कपुर र सारा खानसँग...

बलिउड अभिनेता सुशान्त सिंह राजपूतको निधनमा लागुऔषध एंगलबाट अनुसन्धान गरिरहेको भारतीय लागु औषध ब्युरोले आज दीपिका पादुकोण, श्रद्धा कपुर र सारा अलि खानसँग सोधपुछ...

श्रीमतीको बलमा मात्र अभ्यास गरेकाले कोहली हारे भनेपछि अनुष्का आक्रोशित

गत बिहीबार इन्डियन प्रिमियर लिगमा भारतीय क्रिकेट टोलीका कप्तान विराट कोहलीको टोली रोयल चयालेन्जर्स बैंगलोर किंग्स इलेभन पन्जाबसँग हार्यो। उक्त खेलपछि भारतीय क्रिकेट टोलीका पूर्व...

चितवनमा बाघको आक्रमणबाट एकको मृत्यु

भरतपुर महानगरपालिका–१३ स्थित वेलसर मध्यवर्ती सामुदायिक वनमा बिहान बाघको आक्रमणबाट एक जनाको मृत्यु भएको छ। नगरपालिका–१३ स्थित वेलसर मध्यवर्ती सामुदायिक वनमा बिहान बाघको आक्रमणबाट एक...

फेसबुकले गठन गर्‍यो ‘सर्वोच्च अदालत’ यी हुन् २० सदस्य

काठमाडौंं । सोसल मिडिया प्लाटफर्म फेसबुकको सर्वोच्च निगरानी निकायको रुपमा ओभरसाइट बोर्डले आगामी अक्टोबरको मध्यदेखि आफ्नो कार्य सुरु गर्ने भएको छ । उक्त बोर्डलाई फेसबुकको...

आईपीएलमा सन्दीप सम्मिलित दिल्ली क्यापिटल्सको खेल आज साँझ

इन्डियन प्रिमियर लिग (आईपीएल) मा आज राति नेपाली लेगस्पिनर सन्दीप लामिछाने सम्मिलित दिल्ली क्यापिटल्सले चेन्नई सुपर किंग्ससँग खेल्दैछ। खेल नेपाली समय अनुसार बेलुका पौने...