माओवादी केन्द्रको बैठकमा उठ्यो ‘कम्युनिस्ट ब्रान्ड’ बनाउने चर्चा

नेकपा माओवादी केन्द्रको केन्द्रीय समितिको बैठकमा पार्टीलाई कम्युनिस्ट पार्टीको ब्रान्ड ब्राण्ड बनाएर लैजान नेताहरुले सुझाव दिएका छन्।

माओवादी ब्रान्डमा जनयुद्ध लडेर गणतन्त्र, धर्मनिरपेक्षता, समानुपातिक, समावेशीता लागू गराउन सकिएको भन्दै बैठकमा बोल्ने केही नेताहरुले अब कम्युनिस्ट पार्टी ब्रान्ड बनाएर समाजवादसम्मको यात्रा तय गर्न सुझाव दिएका हुन्।

ncell

सोमबारको बैठकमा आफ्ना धारणा राख्दै केन्द्रीय सदस्य हेमराज भण्डारीले कम्युनिष्ट ब्रान्डको पार्टी बनाएर त्यसको फेरि नेतृत्व गर्न प्रचण्डलाई सुझाव दिए।

‘माओवादी ब्राण्डलाई कम्युनिष्ट ब्रान्डमा परिवर्तन गरौं,’ उनले भने,‘ माओवादी संघर्षको ब्रान्ड थियो, अब कम्युनिष्ट पार्टी भन्ने ब्रान्ड बनाउन सकेमात्र नयाँ ठाउँमा योजना र दृष्टिकोणसहित जान सकिन्छ। अहिले मुलुकले खोजेको पनि नयाँ योजना नै हो।’

भण्डारीले अहिले समाजको चरित्र अनुरुपको नेता केपी ओली नै देखियो भन्दै व्यंग्य पनि गरे।

‘समाजले अहिले जस्तो चरित्र खोजेको छ, त्यसमा सुहाउने पात्र ओलीनै रहेछन् अरु होइन,’ भण्डारीले भने।

Bidh Lab

उनले नेपालको कम्युनिष्ट आन्दोलनमा समस्या कहाँनेर हो? पार्टीको विचार र समाजवाद कस्तो हुनुपर्ने हो? मतदाता र कम्युनिष्ट पार्टीको सदस्यबीचको अन्तर के हो? त्यसबारे प्रष्ट हुन पनि नेतृत्वलाई सुझाव दिए।

‘हामी कम्युनिष्ट पार्टीको अहिलेको परिस्थितिमा समस्या कहाँनेर छ? समाजवाद भाषामा हुने कि योजना र कार्यक्रमसहित जाने? कसरी क्रान्ति गर्नुहुन्छ? क्रान्ति गर्ने हो भने, भोटर र क्रान्तिकारीबीच अन्तर छुटिनुपर्‍यो नी त,’ बैठकमा भण्डारीले धारणा उधृत गर्दै एक नेताले भने।

उनले दलाल पुँजीवादको बाटोमा हिँड्ने अनि समाजवादको व्यानर झुण्ड्याउने काम गरेर नहुने बताए।

‘विदेशी शक्तिकेन्द्रहरुले माइक्रो म्यानेज्ड गर्ने, यहाँको राजनीति मिलाइदिने, नेता बनाइदिने यो रहँदासम्म समाजवाद आउँदैन। यसलाई चिरेर लाने जिम्मेवारी हाम्रो नेतृत्वसामू आएको छ।’

माओवादी केन्द्रमा व्यक्तिवाद र व्यक्ति पूजा हुने गरेको र यसको अन्त्य गर्नुपर्नेमा उनले नेतृत्वको ध्यानाकर्षण गराए।

‘हामीभित्र भएको व्यक्तिवाद जिन्दावाद र मुर्दावादको अन्त्य गर्नुपर्छ’ उनले भने।

बैठकमा स्थायी समिति सदस्य जनार्दन शर्माले अहिले भएको सबै षडयन्त्र प्रचण्डलाई कमजोर बनाउने योजनासहित भएको बताएका थिए।

‘यो सबै प्रचण्डलाई कमजोर पार्ने षडयन्त्र अन्तर्गत भएको छ,’ शर्माले भने।

उनले रुकुममा विभिन्न आयोजना बनाएर १८ हजार जनतालाई रोजगारी दिएको र जोडेको बताउँदै त्यस्तै कार्यक्रम लिएर जनताकोमा गए समस्या नपर्ने बताए।

‘जनतासँग जोडिने संगठनको मोडेल बनाएर जाऊँ, कार्यक्रम लिएर गएपछि समस्या पर्दैन,’ शर्माले बैठकमा भने।

वर्षमान पुनले केपी ओलीको राष्ट्रवाद हिन्दू धर्मको राष्ट्रवाद, पहाडी राष्ट्रवाद रहेको बताएका थिए।

‘ओली प्रवृत्ति के हो? त्यसलाई संश्लेषण गर्नुपर्छ,’ बैठकमा पुनले भने।

बैठकमा २० जना नेताहरुले धारणा राखेका थिए। आजको बैठक सकिएको र अब केही दिनपछि बस्ने बताइएको छ।

प्रियंकाले निकलाई लाइभ सेसनमै चुम्बन गरिन्, त्यसपछि निकले जे भने त्यसको चर्चा सर्वत्र

बलिउड अभिनेत्री प्रियंका चोपडाले आफ्ना श्रीमान निक जोनसलाई लाइभ सेसनमै चुम्बन गरेको भिडिओ यतिबेला निकै भाइरल भएको छ।

भिडिओमा देखिएअनुसार निक आफ्ना फ्यानहरुसँग कुराकानी गरिरहेका हुन्छन्। त्यतिकैमा प्रियंका भिडिओमा देखा पर्छिन् र निकलाई चुम्बन गरेर बाहिर निस्कन्छिन्।

प्रियंकाले चुम्बन गरेपछि निकले जे भने त्यो विषयलाई यतिबेला मानिसहरुले मन पराइरहेका हुन्।

हालैमात्र निकको नयाँ एल्बम स्पेसम्यान रिलिज भएको छ।

निक यतिबेला आफ्नो सोही एल्बम प्रमोसन गरिरहेका हुन्। सोही क्रममा उनी इन्स्टाग्राममा आफ्ना फ्यानहरुसँग च्याटमा बोलिरहँदा भिडिओमा प्रियंका देखा परेकी हुन्।

प्रियंकाले चुम्बन गरिसकेपछि निकले भनेका छन्,‘प्रियंका नयाँ एल्बमको लागि मात्र होइन मेरो जीवनकै प्रेरणा हुन्।’

यसरी श्रीमतीको विषयमा मन खोलेर प्रशंसा गरेपछि मानिसहरुले उनलाई असल श्रीमान भनिरहेका छन्।

सबै पुरुष निकजस्तै आफ्नी श्रीमतीलाई माया गर्ने र सम्मान गर्ने खालको हुनुपर्ने भनेर मानिसहरुले प्रतिक्रिया जनाइरहेका छन्।

प्रियंका अहिले ३८ वर्षकी भइन्, निक भने प्रियंका भन्दा १० वर्ष कान्छा हुन्। उनीहरु दुवैले सन् २०१८ मा विवाह गरेका हुन्।

विश्वकै शक्तिशाली अमेरिकी नौसेना उडुसका कारण आतंकित!

अमेरिकी नौसेना विश्वकै शक्तिशालीमध्ये एकमा पर्छ।

परमाणु तथा अत्याधुनिक हतियार, प्रविधि नियन्त्रित सैन्य अस्त्र अमेरिकी नौसेनाको सबल पक्ष हुन्।

अमेरिकी सेना भनेपछि विश्वका शक्तिशाली राष्ट्रहरु पनि आतंकित हुन्छन्।

तर यहाँ अमेरिकी नौसेना भने उडुसका कारण हैरान भएको पाइएको छ।

उडुसले गतवर्ष देखि अमेरिकी नौसेनाको एउटा पनडुब्बीमा आतंक मच्चाएको डेली मेलले जनाएको छ।

यूएसएस कनेक्टिकट पनडुब्बीमा गत वर्षदेखि उडुस परेको र उडुसले राति, बिहान, दिउँसो हरेक समय टोक्ने गरेको त्यहाँका सैन्य अधिकारीहरुले बताएका छन्।

यस पनडुब्बी निकै महँगो हो। यसको मूल्य ६ अर्ब अमेरिकी डलर हो। तर उडुसकै कारण नौसेनाहरु कुर्सीमा सुत्न बाध्य भएको बताइएको छ।

हरेक समय यसले टोक्ने भएपछि यहाँ तैनाथ नौसेनाहरु हैरान भएको र उनीहरुले उडुसको समस्याबाट छुट्कारा पाउनका लागि सहयोग माग गरेका छन्।

सन् २०२० को मार्चदेखि यूएसएस कनेक्टिकट पनडुब्बीमा उडुस देखिएको बताइएको छ।

नेभी टाइम्ससँग एक सेनाले भनेका छन्,‘एक वर्षदेखि उडुसको समस्या देखिएको छ। उडुसले हरेक समय टोकेपछि सबै चिन्तित छन्।’

सुत्नसमेत राम्रोसँग नपाएको उनीहरुको गुनासो छ।

हाल यो पनडुब्बी वासिङ्टनको किटसाप–ब्रिमर्टन बेसमा छ। त्यस पनडुब्बीको उडुस चाँडै सखाप बनाइने बताइएको छ।

उद्योग वाणिज्य महासंघको विधान संशोधनः चन्द्र ढकालले पाउलान् दुईपटक अध्यक्ष बन्ने अवसर?

नेपाल उद्योग वाणिज्य महासंघमा पशुपति गिरी र महेशलाल प्रधानपछि अध्यक्षमा आफ्नो कार्यकाल दोहोर्‍याउन अहिलेका वरिष्ठ उपाध्यक्ष चन्द्र ढकाललाई पनि अवसर प्राप्त हुने देखिएको छ।

महासंघको विधान संशोधन सोहीअनुसार गर्ने गरी छलफल अघि बढेपछि ढकाललाई यस्तो अवसर प्राप्त हुनलागेको हो।

यद्यपि अहिले विधान संशोधनको छलफलमात्रै अघि बढेको छ। तर त्यसरी प्रावधान बनाउने छलफल सकारात्मक दिशामा गएको छ। यसो भए ढकालले स्वतः प्राप्त हुने पहिलो कार्यकालपछि दोस्रो कार्यकालको लागि पनि अध्यक्ष हुने अवसर पाउनेछन्।

पशुपति मुरारका महासंघको अध्यक्ष हुँदा विधान संशोधन गरेर वरिष्ठ उपाध्यक्ष स्वतः अध्यक्ष हुने व्यवस्था गरिएको थियो। जसअनुसार भवानी राणा र शेखर गोल्छाले वरिष्ठ उपाध्यक्ष हुँदै अध्यक्ष समेत भइसकेका छन्।

तर अब पुनः पुरानै स्थितिमा विधानलाई फर्काउने गरी महासंघमा संशोधनको बहस सुरु भएको हो।

अध्यक्ष पदमा समेत निर्वाचन गर्ने व्यवस्था र हाल रहेको ३ वर्षे कार्यकाललाई २ वर्षमा छोट्याउने गरी महासंघको विधान संशोधनको तयारी भइरहेको छ। त्यसको लागि महासंघले एक समिति नै बनाइसकेको छ।

महासंघका अध्यक्ष शेखर गोल्छाका अनुसार पूर्वअध्यक्ष कुशकुमार जोशीको नेतृत्वमा एक समिति निर्माण भएको छ।

अध्यक्ष गोल्छाले भने, ‘विधान एउटा गतिशील डकुमेन्ट हो, समयानुसार यसको परिवर्तन र परिमार्जन हुँदै जानुपर्छ। यसलाई ध्यानमा राख्दै महासंघको नयाँ कार्यसमितिले संस्थाको विधान संशोधन गर्ने नीति बनाएको हो।’

संशोधनको विषयहरुबारे छिट्टै काम अघि बढ्ने उनको भनाइ छ।

गोल्छाले भने, ‘विधान संशोधनपछि महासंघका अप्ठ्याराहरु, कठिनाइहरु निराकरण हुँदै सहज रुपमा गतिविधिहरु अघि बढ्छन् भन्ने हाम्रो अपेक्षा छ।’

महासंघमा हाल वरिष्ठ उपाध्यक्ष स्वतः अध्यक्ष हुने भएपछि अध्यक्ष दोहोर्याउन चाहे पनि दोहोर्याउन नपाउने व्यवस्था छ।

यसअनुसार हालका अध्यक्ष शेखर गोल्छा र भवानी राणा त्यो अवसरबाट वञ्चित भएका हुन्। तर चन्द्र ढकाललाई भने त्यो अवसर जुर्ने देखिएको छ।

हाल वरिष्ठ उपाध्यक्ष स्वतः अध्यक्ष हुने विधानअनुसार नै चन्द्र ढकालले किशोर प्रधानलाई गत मंसिरकाे चुनावमा हराएका थिए। यसअनुसार ढकाल आगामी अध्यक्ष हुने निश्चितप्रायः छ।

अहिले फेरि बल्झाइएको विधान संशोधनको बहसमा हालका वरिष्ठ उपाध्यक्षलाइ स्वतः अध्यक्ष हुन पाउने प्रावधानअनुसार अध्यक्ष दिने र अर्कोपटक फेरि चुनावमा उठेर अध्यक्षमा जाने बाटो समेत खोल्ने गरी विषय उठान भएको छ।

सोही कारण ढकाललाई कार्यकाल दोहोर्याउन पाउने अवसर मिल्ने देखिएको हो।

शेखर गोल्छा वरिष्ठ उपाध्यक्ष हुँदा पनि विधान संशोधनको विषय उठान भएको थियो। त्यसको मस्यौदा समेत तयार भइसकेको थियो तर त्यस समयमा भने शेखर गोल्छालाई नै स्वतः अध्यक्ष हुन नपाउने गरी विधान संशोधनको छलफल भएको थियो।

त्यही कारण त्यो विधान संशोधनको कार्य सफल हुन सकेन।

विगतमा २ जनाले मात्रै दोहोर्याएका छन् कार्यकाल
नेपाल उद्योग वाणिज्य महासंघमा अध्यक्षको कार्यकाल दोहोर्याउने इतिहासचाहिँ सुखद छैन।

अहिलेसम्म दुई जनाले मात्रै अध्यक्षको कार्यकाल दोहोर्याउन पाएका छन्। २०२२ सालमा स्थापना भएको नेपाल उद्योग वाणिज्य महासंघले शेखर गोल्छासहित १९ जना अध्यक्ष पाएको छ।

यसमा दुई जनाले मात्रै आफ्नो कार्यकाल दोहोर्याउन पाए। यस्तो अवसर पाउनेमध्ये एक हुन् पशुपति गिरी।

उनले २०२८ देखि २०३२ र २०३८ देखि २०४४ सालसम्म अध्यक्षको जिम्मेवारी लिएका थिए।

उनले १० वर्ष महासंघको नेतृत्व गरे। महासंघमा उनले सबैभन्दा धेरै अध्यक्षमा रहेर काम गरेको इतिहास छ।

त्यस्तै अर्का अध्यक्ष महेशलाल प्रधानले भने २०४४ देखि २०५० सालसम्म अर्थात् लगातार दुई कार्यकाल (तीनवर्षे)को जिम्मेवारी पूरा गरेका थिए।

त्यसपछि भने अर्को दुुई जना अध्यक्षले आफ्नो कार्यकाल दोहोर्याउन खोजेका थिए। विनोद चौधरीले २०५० देखि २०५२ सालसम्म आफ्नो कार्यकाल पूरा गरेपछि पुनः अध्यक्षको उम्मेदवार बनेका थिए।

तर उनलाई पद्म ज्योतिले पराजित गरे। त्यसपछि उनी महासंघबाट नै बाहिरिएका थिए। उनले नयाँ छाता संगठन नेपाल उद्योग परिसंघ स्थापना गरे।

अर्का अध्यक्ष चण्डीराज ढकालले २०६२ देखि २०६४ सालसम्म आफ्नो पहिलो कार्यकाल पूरा गरेपछि पुनः अध्यक्षको उम्मेदवार बनेका थिए। उनलाई कुशकुमार जोशीले पराजित गरिदिए।

त्यसपछि भने कुनै पनि अध्यक्षले विधानमा व्यवस्था हुँदाहुँदै पनि आफ्नो कार्यकाल दोहोर्याउन नै चाहेको देखिँदैन। पछि भवानी राणाको पालादेखि अध्यक्षको कार्यकाल दोहोर्याउन पाउने व्यवस्था नै परिवर्तन भएको थियो।

मेयर्स कप क्रिकेट : आर्मीविरुद्ध वागमती प्रदेश विजयी

त्रिभुवन आर्मी क्लवलाई पराजित गर्दै वागमती प्रदेशले मेयर्स कप एक दिवसीय क्रिकेट प्रतियोगिताको सुखद अन्त्य गरेको छ।

कप्तान विनोद भण्डारीको उत्कृष्ट शतक प्रहार गरेपनि आर्मी क्लव वागमती प्रदेशसँग १० रनले पराजित भयो। २ सय ६७ रनको लक्ष्य पछ्याएको आर्मी ४७ दशमलव १ ओभरमा २ सय ५६ रनमा अल आउट भयो। आर्मीका कप्तान विनोदले १ सय १४ बलमा ८ चौका र ७ छक्का सहित १ सय १९ रनको उत्कृष्ट शतकीय पारी खेले।

कप्तान विनोदले ९६ बलमा ८ चौका र ५ छक्का हान्दै शतक प्रहार गरेका थिए। विनोदले अघिल्लो महिना सम्पन्न प्रधानमन्त्री कप राष्ट्रिय एक दिवसिय क्रिकेट प्रतियोगितामा गण्डकी प्रदेशविरुद्ध १ सय ११ रन हानेका थिए। घरेलु एक दिवसिय क्रिकेटका विनोदको यो तेस्रो शतक हो।

लोकेश बम ४६, करण केसी २४। रोहित कुमार पौडेल १५ रनमा पवेलियन फर्के। अन्य ब्याट्सम्यानले गतिलो प्रदर्शन गर्न सकेनन्।

वागमतीका अरियो पौडेलले ५ विकेट लिए। रामनरेश गिरीले २, नन्दन यादव, पारस खड्का र सोनु देवकोटाले १–१ विकेट लिए।

त्यसअघि किर्तिपुरस्थित त्रिवि क्रिकेट मैदानमा टस जितेर पहिला ब्याटिङ गरेको बागमती ४९ दशमलव ४ ओभरमा २ सय ६६ रन जोड्दा अलआउट भयो।

मुख्य ब्याट्सम्यान पारस खड्काले १ सय १९ रनको महत्वपूर्ण योगदान दिए। १ सय ३३ बलको सामना गरेका खडकाले २ छक्का र ११ चौका हाने। उनी सोमपाल कामीको बलमा जितेन्द्र मुखियाबाट ब्याच आउट हुन पुगे। पारसले १ सय २२ बलमा शतक पूरा गरेका थिए। उनले १ सय २२ बलमा ९ चौका र २ छक्का हान्दै शतक पुरा गरे। त्यसअघि पारसले ८० बलमा अर्धशतक पूरा गरेका थिए।

पारसले तेस्रो विकेटका लागि युवा ब्याट्सम्यान ईशान पाण्डेसँग ७३ रनको साझेदारी गर्दै इनिङ सम्हाल्लेका थिए। २२ औं ओभरको अन्तिम बलमा जितेन्द्र मुखियाले ईशानलाई २६ रनमा एलबिडब्लू आउट गरे। पाँचौं विकेटका लागि पारसले आदिल खानसँग ७६ रनको साझेदारी गरेका थिए।

आदिल २१ रनमा पवेलियन फर्के। नन्दन यादव ४२ रनमा नटआउट रहे। उनले २५ बलमा ५ चौका र १ छक्का हाने। अन्य ६ ब्याट्सम्यानले दोहोरो अंकको स्कोर छुन सकेनन्।

आर्मीका सोमपाल कामीले आफ्नो स्पेलमा ६५ रन खर्चेर ५ विकेट लिए। विक्रम सोब, जितेन्द्र मुखिया, करण केसी र साहब आलमले एक एक विकेट लिए।

लिगमा पुलिस ४ खेलमा ३ मा जित र १ मा हार सहित शीर्ष स्थानमा रहँदै उपाधि नजिक पुगेको छ। एपीएफ ४ खेलमा ३ मा जित र १ मा हार सहित ६ अंकका साथ नेट रनरेटमा दोस्रो हुँदै फाइनलमा स्थान बनाएको छ। फाइनल शनिबार हुने छ।

अनिल कपुरकी छोरी रियाले सार्वजनिक गरिन् बिकिनी तस्बिर, यसो भन्छिन्…

बलिउडका चर्चित अभिनेता अनिल कपुरकी कान्छी छोरी रिया कपुरले हालै एउटा बिकिनी लगाएको तस्बिर सार्वजनिक गरेकी छिन्।

रिया चर्चित अभिनेत्री सोनम कपुरकी बहिनी पनि हुन्। सोनम अनिलकी जेठी छोरी हुन्।

बिकिनीमा तस्बिर सार्वजनिक गर्दै उनले इन्स्टामा दुब्लो, मोटो जे भएपनि केही फरक नपर्ने बताएकी छिन्।

उनले सुन्दरताको सबैभन्दा महत्त्वपूर्ण नियम शरीरको बारेमा वास्तै गर्न नहुने उल्लेख गरेकी छिन्।

 

साथै उनले आफू पहिले मोटी भएको र दुब्लो हुन प्रयास गरेको उक्त तस्बिरको क्याप्सनमा बताएकी छिन्।

रिया चलचित्र निर्माता साथै एक फेसन डिजाइनर हुन्। सन् २०१० मा बनेको चलचित्र आइशामा उनी निर्माता थिइन्।

सशस्त्र प्रहरीद्वारा लागुऔषधसहित तीन जना पक्राउ

पश्चिम नवलपरासी जिल्लाको सुस्ता गाँउपालिका-२ सातपत्तीबाट सशस्त्र प्रहरी टोलीले विभिन्न किसिमका लागुऔषधसहित एक जनालाई पक्राउ गरेको छ।

पक्राउ पर्नेमा सोही जिल्लाको बर्दघाट नगरपालिका ४ बस्ने १८ वर्षीय अजय मुसहर रहेका छन्।

सशस्त्र प्रहरी बल, नेपाल बोर्डर आउट पोष्ट गुठीप्रसौनीबाट खटिएको एपीएफ टोलीले मुसहरलाई पक्राउ गरेको हो। एपीएफ टोलीले निजलाई शंका लागि जाँच गर्दा उनको साथमा ओनरेक्स ३१ बोतल, नाईट्रोभेट ट्याब्लेट १ सय २० वटा र वीनसिस्मोफोर्ट १ हजार ८ सय ७२ वटा फेला परेपछि पक्राउ गरिएको हो।

एपीएफ टोलीले पक्राउ परेका मुसहरलाई बरामद लागुऔषधसहित आवश्यक कारवाहीको लागि स्थानीय प्रहरीमा बुझाएको छ।

यसैगरी सशस्त्र प्रहरी बल, नेपाल बोर्डर आउट पोष्ट त्रिभुवननगरबाट खटिएको एपीएफ टोलीले फागुन २६ गते सर्लाही जिल्लाको ब्रहम्पुरी गाँउपालिका ४ काली मन्दिरस्थित सीमा ईलाकाबाट विभिन्न किसिमको लागुऔषधसहित दुई जनालाई पक्राउ गरेको छ।

पक्राउ पर्नेहरुमा सोही जिल्लाको हरिवन नगरपालिका ६ बस्ने २५ वर्षीय सरोज भुर्तेल र सोही नगरपालिका ३ बस्ने २५ वर्षीय मोहमद अली छन्।

बा ४२ प २२३७ नम्बरको मोटरसाइकलमा भारतबाट नेपालतर्फ आउँदै गरेका उनीहरुलाई एपीएफ टोलीले जाँच गर्दा उनीहरुको साथमा स्मास्मो प्रोक्सिभन २४ वटा र लुपिपोकोफ तीन बोतल फेला परेपछि पक्राउ गरिएको हो।

पक्राउ परेका दुवै जनालाई बरामद लागुऔषधसहित स्थानीय प्रहरीमा बुझाइएको छ।

बालुवाटारमा प्रधानमन्त्री ओली र जसपा नेताहरूबीच छलफल जारी

प्रधानमन्त्री केपी शर्मा ओली र जनता समाजवादी पार्टी (जसपा) का नेताहरूबीच बालुवाटारमा छलफल जारी छ।

प्रधानमन्त्री ओलीसुँग छलफलका लागि जसपा नेताहरु बिहीबार साँझ बालुवाटार पुगेका हुन्। अहिले छलफल जारी रहेको जसपाका एक नेताले बताए।

छलफलमा लागि जसपा अध्यक्ष महन्थ ठाकुर, डा. बाबुराम भट्टराई, उपेन्द्र यादव, नेताहरु राजेन्द्र महतो र अशोक राई सहभागी छन्।

आजै बसेका जसपाको शीर्ष नेताहरुको बैठकले सत्ता समीकरणको विषयमा संसदमा रहेका प्रमुख तीन दलसँग शीर्ष नेताले संयुक्त छलफल गर्ने निर्णय गरेको थियो।

यसअघिका छलफलमा अध्यक्ष ठाकुर र नेता महतोमात्रै सहभागी हुने गरेको भए पनि बिहीबारको बैठकपछि पाँच शीर्ष नेता सहभागी भएका हुन्।

मंगलबार बसेको जसपाको संसदीय दलको बैठकले रेशम चौधरीमाथिको मुद्दा र मधेस आन्दोलनका क्रममा आन्दोलनकारीमाथि लगाइएका मुद्दा फिर्ता र संविधान संशोधनको मागलाई केन्द्रमा राखेर सबै पार्टीसँग छलफल गर्ने निष्कर्ष निकालेको थियो।

तत्काल जारी गतिबिधी

प्रदेश प्रमुख : लुम्बिनीमा अमिक शेरचन, गण्डकीमा पृथ्वीमान गुरुङ

सरकारले दुईवटा प्रदेशमा नयाँ प्रदेश प्रमुख नियुक्त गरेको छ। मंगलबार बसेको मन्त्रिपरिषद् बैठकले लुम्बिनी प्रदेशमा माओवादीको सिफारिसमा अमिक शेरचन र गण्डकीमा कांग्रेसको सिफारिसमा पृथ्वीमान...

जापानको टोक्योमा जारी ओलम्पिकमा चीनकी याङ किएनले पहिलो स्वर्ण पदक जिते

जापानको टोक्योमा जारी ओलम्पिकमा चीनकी याङ किएनले पहिलो स्वर्ण पदक जितेकी छन्। सुटिङको महिला १० मिटर एअर राइफल स्पर्धामा २१ वर्षीय याङले रसियन ओलम्पिक कमिटीकी...

नेकपा एमालेका नेता शंकर पोखरेलले जनताले प्रतिपक्षमा रोखेको पार्टी नेपाली कांग्रेसलाई...

नेकपा एमालेका नेता शंकर पोखरेलले जनताले प्रतिपक्षमा रोखेको पार्टी नेपाली कांग्रेसलाई सत्ता सुम्पेको भन्दै गठबन्धनमा आबद्ध अन्य दलका शीर्ष नेताप्रति आक्रोश पोखेका छन्। नेकपा माओवादी...

माइतीघरमा युथफोर्सले गरेको फोहोर गोविन्द केसीले उठाए

नेकपा एमालेको भातृसंगठन युवा संघ नेपालले युथफोर्सको उपत्यका कमाण्ड घोषणाका क्रममा राजधानीको माइतीघरमा गरेको फोहोर डा. गोविन्द केसीसहितले उठाएका छन्। बिपी कोइराला स्वास्थ्य विज्ञान...

चर्चित लोकगायक प्रकाश सपुत र लोक गायिक सुनिता दुलाल

सरकारले चर्चित लोकगायक प्रकाश सपुत र लोक गायिक सुनिता दुलाललाई ‘विपद् जोखिम न्यूनीकरण सदभावना दूत’ नियुक्त गरेको छ। नेपाल सरकार गृह मन्त्रालय अन्तरगतको विपद् जोखिम...